Նյու Յորքում աճուրդի են դրել արքայադուստր Դիանայի մանյակը

Armenpress 11:57, 3 Փետրվար, 2017

ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Նյու Յորքի Guernsey’s աճուրդային տունը վաճառքի Է հանել արքայադուստր Դիանային պատկանած մանյակը: Ինչպես հաղորդել Է People-ը, զարդի ներկայիս տերերն ուկրաինացի զույգ են, տեղեկացնում Է «Արմենպրես»-ը: 
Հրատարակության տեղեկություններով՝ նրանք հույս ունեն դրա դիմաց ավելի մեծ գումար ստանալ արքայադստեր մահվան 20-րդ տարելիցի պատճառով: Նրանք զարդը գնել են 2010 թվականին 632 հազար դոլարով, իսկ այժմ մտադիր են այն վաճառել 12 մլն դոլարով: 
Ադամանդներով եւ մարգարտով զարդը, որի մասին խոսվում Է, ստացել Է «Կարապի լիճ» անվանումը՝ ի պատիվ համանուն բալետի, որի ներկայացմանը 1997 թվականին Դիանան ներկա Է եղել այդ մանյակով՝ իր մահվանից մի քանի շաբաթ առաջ: Այդ այցելությունը դարձել Է հանրության մեջ նրա հայտնվելու վերջին դեպքերից մեկը:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am