Բրիտանիայի Գերագույն դատարանը կառավարությանը պարտավորեցրեց Brexit-ի համար ստանալ խորհրդարանի հավանությունը
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Մեծ Բրիտանիայի Գերագույն դատարանը կառավարությանը պարտավորեցրել Է ստանալ խորհրդարանի հավանությունը Եվրամիությունից երկրի դուրս գալու շուրջը բանակցություններ սկսելու համար: Ինչպես տեղեկացնում Է «Արմենպրես»-ը՝ հղում անելով ՏԱՍՍ-ին, այս վճիռը հունվարի 24-ին հրապարակել Է Միացյալ Թագավորության բարձրագույն դատական ատյանը՝ մերժելով նախարարների կաբինետի բողոքարկումը: Սույն որոշման օգտին քվեարկել են 11 դատավորներից ութը: Երեքը դեմ են քվեարկել:
Դրանով իսկ Գերագույն դատարանը հավանություն Է տվել Լոնդոնի Բարձր դատարանի վճռին, որը 2016 թվականի նոյեմբերին որոշել Է, որ Եվրամիության մասին Լիսաբոնի պայմանագրի 50-րդ հոդվածը, որը գործի Է դնում միությունից երկրի դուրս գալու ընթացակարգը, չի արող գործել առանց Համայնքների պալատի հավանության: Այս վճռի դեմ Էլ կառավարությունը բողոքարկել Էր, որը մերժվել Է:
Ինչպես նշում Է ՌԻԱ Նովոստին, դատավճռի հրապարակումից հետո երկրի գլխավոր դատախազ Ջերեմի Ռայթը հայտարարել Է, որ Մեծ Բրիտանիայի կառավարությունը հիասթափված Է Գերագույն դատարանի վճռից, որը որոշել Է, որ Brexit-ի ընթացակարգը գործի դնելու համար անհրաժեշտ Է խորհրդարանի կողմից համապատասխան օրինագծի հավանությունը, բայց այն կկատարի:
«Անշուշտ, կառավարությունը հիասթափված Է վճռից, բայց մենք բոլորս ենթարկվում ենք օրենքին, այնպես որ կառավարությունը կհետեւի Գերագույն դատարանի որոշմանը եւ ամեն ինչ կանի դրա իրագործման համար»,- ասել Է Ռայթը լրագրողներին:
Կարծիքներ
Հարցազրույցներ
Փաստ մեկնաբանությամբ