Ռուսաստանի հետ կառուցողական հարաբերությունները ԱՄՆ-ի եւ ողջ աշխարհի շահերից են բխում. Օբամա
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի նախագահ Բարաք Օբաման պետության ղեկավարի պաշտոնում տված իր վերջին մամուլի ասուլիսում հայտարարել Է, որ իր նախագահության ընթացքում ձգտել Է կառուցողական հարաբերություններ հաստատել Ռուսաստանի հետ, տեղեկացնում Է «Արմենպրես»-ը՝ հղում անելով BBC-ին:
«Ռուսաստանի հետ լավ հարաբերությունները համապատասխանում են ԱՄՆ-ի եւ ողջ աշխարհի շահերին»,- ասել Է Օբաման:
Միաժամանակ նա Ռուսաստանին մեղադրել Է միջուկային զենքի հետագա կրճատման շուրջ բանակցություններ վարել չցանկանալու մեջ, ինչպես նաեւ հայտարարել Է, որ 2012 թվականին նախագահի պաշտոնին Վլադիմիր Պուտինի վերադառնալուց հետո Ռուսաստանում ուժեղացել Է հակաամերիկյան հռետորաբանությունը:
Օբամայի խոսքով՝ Ռուսաստանի նկատմամբ պատժամիջոցները սահմանվել են նախեւառաջ Ուկրաինայի ինքնիշխանության դեմ ոտնձգությունների պատճառով, եւ դրանց չեղարկումը պետք Է ուղղակիորեն կապված լինի հարեւան երկրում Ռուսաստանի գործողությունների հետ:
Կարծիքներ
Հարցազրույցներ
Փաստ մեկնաբանությամբ