Թրամփն իր փեսային նշանակեց նախագահի ավագ խորհրդականի պաշտոնում
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի նորընտիր նախագահ Դոնալդ Թրամփը որոշել Է իր դստեր ամուսնուն՝ Ջարեդ Քուշներին նշանակել պետության ղեկավարի ավագ խորհրդականի պաշտոնում: Ինչպես հաղորդում Է «Արմենպրես»-ը, այս տեղեկատվությունը, որն ավելի վաղ հայտնել Էր CNBC հեռուստաալիքը, հաստատել Է Թրամփի անցումային շտաբը: Մինչ այդ ամերիկյան ԶԼՄ-ները նաեւ ենթադրում Էին, որ 35-ամյա Քուշները, որը The New York Observer պարբերականի սեփականատերն Է, կարող Է նշանակվել Սպիտակ տան աշխատակազմի ղեկավար: Սակայն Թրամփը հայտարարել Է, որ այդ պաշտոնը կզբաղեցնի Հանրապետական կուսակցության Ազգային կոմիտեի նախագահ Ռայնս Պրիբեսը:
Ինչպես ճշտել Է հանրապետականի անցումային շտաբը, Քուշները պետք Է «սերտորեն գործակցի Ռայնս Պրիբեսի եւ Սթիվեն Բենոնի հետ», որը նշնակավել Է ԱՄՆ-ի 45-րդ նախագահի գլխավոր քաղաքական խորհրդական: «Քուշները որոշել Է վարչակազմում աշխատելու ընթացքում հրաժարվել աշխատավարձից»,- ընդգծել են շտաբում:
«Ջարեդը նախընտրական արշավի եւ գործերի հանձնման ընթացքում իրեն դրսեւորեց որպես արժեքավոր ակտիվ եւ վստահելի խորհրդական, եւ ես հպարտ եմ, որ նա առաջատար դեր Է կատարելու իմ վարչակազմում»,- այդ կապակցությամբ նշել Է Թրամփը, հաղորդել Է ՏԱՍՍ-ը:
Լուսանկարը`EPAԿարծիքներ
Հարցազրույցներ
Փաստ մեկնաբանությամբ