ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Եթե անհրաժեշտություն լինի, դրա կարիքը լինի, կմտնեմ քաղաքականություն: «Արմենպրես»-ի հաղորդմամբ` այս մասին հոկտեմբերի 31-ին «Մուլտի Վելնես» զվարճանքի կենտրոնի բացման ժամանակ լրագրողների հետ ճեպազրույցում ասաց ԲՀԿ նախկին նախագահ Գագիկ Ծառուկյանը:

Ծառուկյանի խոսքով` ինքը քաղաքականությամբ չի ապրում, բայց եթե զգա, որ ժողովուրդն իր կարիքն ունի, իր պահանջը կա, կմտնի քաղաքականություն: «Ես ուզում եմ լավ լինի իմ ժողովրդի, իմ երեխաների համար, մեր ապագայի համար: Ես իմ գործն ուզում եմ կատարել իմ ժողովրդի համար:  Ես ինձ շատ լավ եմ զգում, որ կարողանում եմ պիտանի լինել»,-հավելեց նա:

2015 թվականի փետրվարի 12-ին ԲՀԿ նախկին նախագահը հայտարարել էր, որ հեռանում է քաղաքականությունից: