Ասադը շնորհակալություն Է փոխանցել Պուտինին ահաբեկչության դեմ պայքարում օգնության համար
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի նախագահ Բաշար Ասադն այցով Մոսկվայում գտնվող արտաքին գործերի նախարար Վալիդ Մուալեմին հանձնարարել Է ՌԴ-ի ղեկավար Վլադիմիր Պուտինին շնորհակալություն փոխանցել ահաբեկչության դեմ պայքարում ցուցաբերած օգնության համար: Այդ մասին, ինչպես տեղեկացնում Է «Արմենպրես»-ը, Սիրիայի արտաքին քաղաքական գերատեսչության ղեկավարը հոկտեմբերի 28-ին հայտարարել Է Ռուսաստանի իր պաշտոնակից Սերգեյ Լավրովի հետ բանակցությունների բացմանը:
«Նախագահ Ասադն ինձ հանձնարարել Է Ձեզ, ինչպես նաեւ նախագահ Պուտինին փոխանցել Սիրիայի կառավարության եւ ժողովրդի շնորհակալությունը ահաբեկչության դեմ պայքարում ցուցաբերած արդյունավետ օգնության համար»,-ասել Է Մուալեմը: «Շնորհակալ ենք Ռուսաստանին ահաբեկչության դեմ պայքարում ցուցաբերած արդյունավետ օգնության համար,-հայտնել Է նա:-Մենք ձգտում ենք մեր հողն ազատագրել ահաբեկիչներից, ուստի բարձր ենք գնահատում Ռուսաստանի եւ Իրանի` այդ նպատակին հասնելուն ուղղված ջանքերը», հաղորդել Է ՏԱՍՍ-ը: