Բելառուսի նախագահը հորդորել Է վերանայել ԵԱՏՄ-ի մասին պայմանագիրը
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն հայտարարել Է, որ անհրաժեշտ Է վերանայել Եվրասիական տնտեսական միության մասին պայմանագիրը, տեղեկացնում Է «Արմենպրես»-ը:
«Այսօր ԵԱՏՄ-ի մասին պայմանագրի դրույթների կատարելագործման աշխատանք Է սկսվել: Ամենակարեւորը դրան ձեւականորեն չվերաբերվելն Է, այլ այդ հնարավորությունն ինտեգրացման ամենաբարդ հարցերի լուծման համար օգտագործելը»,-ասել Է Լուկաշենկոն՝ հոկտեմբերի 28-ին Մինսկում ԱՊՀ-ի եւ ԵԱՏՄ-ի կառավարական պատվիրակությունների ղեկավարների հետ կայացած հանդիպմանը: Նրա խոսքով՝ գործողությունների անհամաձայնեցվածությունն արդեն «ներքին ինտեգրացիոն գործընթացների հավասարակշռախախտման» Է հանգեցրել:
Լուկաշենկոն ընդգծել Է, որ հարկավոր Է «ակտուալացնել այդ պայմանագիրը»: «Հարկավոր Է այն կատարելագործել, պետք Է վերանայում իրականացնել բոլոր ուղղություններով… դեն նետել ավելորդությունները, թողնել միայն այն, ինչ մեզ հարկավոր Է»,-հավելել Է Բելառուսի ղեկավարը:
Նրա խոսքով՝ անհրաժեշտ Է կարգավորել ԵԱՏՄ-ի գործունեության հարցերը այն պայմաններւմ, երբ պետություններից մեկը շուկայի պաշտպանության միակողմանի միջոցներ Է ձեռնարկում երրորդ երկրների նկատմամբ, եւ մշակել փոխգործակցության հստակ մեխանիզմներ:
Լուկաշենկոն նշել Է, որ Բելառուսը պարբերաբար առաջադրում Է համաձայնեցված արդյունաբերական քաղաքականություն վարելու հարցը: «ԵԱՏՄ-ն տնտեսական ուժի կենտրոն դարձնելու միակ ճանապարհը կոոպերացման հիման վրա հզոր ու ժամանակակից արտադրական բազայի զարգացումն Է»,-հայտարարել Է Բելառուսի նախագահը, հաղորդել Է ՌԻԱ Նովոստին: