Ադրբեջանում գազի սակագինը կարող է բարձրանալ
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանում սպառողական գազի սակագինը կարող է թանկանալ:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական կայքը:
Ադրբեջանական ԶԼՄ-ների տարածած տեղեկության համաձայն` Ադրբեջանի կառավարությունը պատրաստվում է գազը թանկացնել 30-50 տոկոսով:
Ադրբեջանում արդեն թանկացել են ջրի եւ լույսի սակագները:
Ադրբեջանի կառավարությունը այս եւ այլ ոլորտներում կատարած թանկացումներով ցանկանում է կտրուկ ավելացնել երկրի 2017 թվականի բյուջեի մուտքերը` նախորդ տարի նավթի եւ մանաթի էժանացումից հետո ծանր վիճակում հայտնված երկրի բյուջեն փրկելու համար:
Կարծիքներ
Հարցազրույցներ
Փաստ մեկնաբանությամբ