ԵԱՏՀ-ն փորձագետներին ավելի շատ ժամանակ Է տվել խաղալիքների անվտանգությունը քննարկելու համար
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Եվրասիական տնտեսական հանձնաժողովի (ԵԱՏՀ) կողմից ստեղծված Տեխնիկական կարգավորման, սանիտարական, անասնաբուժական եւ բուսասանիտարական միջոցների կիրառման կոնսուլատիվ կոմիտեի օգոստոսի 25-ին նիստում, որը նախագահել Է ԵԱՏՀ-ի Տեխնիկական կարգավորման եւ հավատարմագրման դեպարտամենտի տնօրեն Արման Շաքալիեւը, քննարկվել են լայն սպեկտրի հարցեր:
Միջոցառմանը մասնակցել են Եվրասիական տնտեսական միության (ԵԱՏՄ) անդամ պետությունների պետական իշխանության մի շարք լիազոր մարմինների ղեկավարներ, գործարար հանրակցության ներկայացուցիչներ, անկախ փոձագետներ:
Ինչպես «Արմենպրես»-ին տեղեկացրել են ԵԱՏՀ-ի մամուլի ծառայությունից, նիստի մասնակիցները ԵԱՏՀ-ի կոլեգիայի նիստ ուղարկելու համար հավանություն են տվել արտադրանքի տիպի հավաստագրերի միասնական ձեւերի փոփոխություններին, որոնք նախատեսված են Միության «Սարքավորման մեքենաների անվտանգության մասին» տեխնիկական կանոնակարգերով:
Բացի այդ, քննարկման արդյունքներով հանրային քննարկման ուղարկելու համար հավանություն Է տրվել Միության «Անհատական պաշտպանության միջոցների անվտանգության մասին» տեխնիկական կանոնակարգում փոփոխությունների նախագծին:
Մինչեւ այս տարվա նոյեմբերի 30-ը երկարաձգված Է Միության «Խաղալիքների անվտանգության մասին» տեխնիկական կանոնակարգում փոփոխությունների նախագծի հանրային քննարկումը, որում խոսքը վերաբերում Է խաղալիքների հոգեբանական-մանկավարժական փորձաքննության հնարավոր կիրացման մասին: