Գյումրիում և Վանաձորում ՀԱԿ-ն ընտրությունների կմասնակցի սեփական ցուցակներով
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Հայ Ազգային Կոնգրեսի վարչության նիստը տեղի է ունեցել օգոստոսի 25-ին:
Ինչպես «Արմենպրես»-ին տեղեկացրին ՀԱԿ մամուլի ծառայությունից, նիստում քննարկվել է Գյումրիում և Վանաձորում 2016թ. հոկտեմբերի 2-ին տեղի ունենալիք ընտրությունների մասնակցության հարցը:
Վարչությունը որոշել է ներկայացնել դիմում 2016թ. հոկտեմբերի 2-ին կայանալիք Գյումրիի և Վանաձորի ավագանիների ընտրություններին մասնակցելու վերաբերյալ, ինչպես նաև հաստատել Գյումրիի և Վանաձորի ավագանիների ընտրություններում Հայ Ազգային Կոնգրեսի ընտրական ցուցակները:
Գյումրիում ընտրական ցուցակը կգլխավորի «Շրջապատ» թերթի գլխավոր խմբագիր Սյուզի (Եպրաքսյա) Մեխակյանը, իսկ Վանաձորում` Կոնգրեսի Վանաձորի կառույցի ղեկավար, «Ներուժ» ՍՊԸ տնօրեն Ռուբեն Ոսկանյանը: