Ռուս գեներալը մեղադրել է Թուրքիային Սիրիայի ահաբեկիչներին զենք մատակարարելու մեջ
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Սիրիայում գործունեություն ծավալող ահաբեկչական «Ալ-Նուսրա ճակատ»-ն իր օրական ռազմական աջակցությունը ստանում է Թուրքիայի հետ սահմանից: Ինչպես հաղորդում է «Արմենպրես»-ը` վկայակոչելով Russia Today-ը, այս մասին ասել է ՌԴ զինված ուժերի գեներալ Սերգեյ Ռուդսկովը` հիշեցնելով, որ «Ալ-Նուսրա»-ն շարունակում է մնալ որպես Սիրիան ապակայունացնող հիմնական գործոն:
«Դամասկոսը շարունակաբար հրթիռակոծվում է Արևելյան Գութայից: Պարբերաբար փորձեր են արվել գրավելու Հոմսի մերձակայքում գտնվող էլեկտրակայանը ու արգելափակելու Հալեպը Դամասկոսին կապող ճանապարհը: Շարունակվում է ամեն օր Թուրքիայից զինամթերք և զենք տեղափոխող բեռնատարներ հոսքը», -հայտնել է գեներալը:
Նա մեղադրել է նաև Թուրքիային սահմանից այն կողմ քրդական բնակավայրերը ռմբակոծելու մեջ: