ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Airbus ընկերությունն արտոնագրել Է ուղղաթիռ, որի կառուցվածքը թույլ Է տալիս դառնալ աշխարհում ամենաարագընթաց նման թռչող ապարատը: Այս մասին, ինչպես տեղեկացնում Է «Արմենպրես»-ը, հայտնել Է Daily Mail հրատարակությունը:  

Նոր ուղղաթիռը կարող Է զարգացնել ժամում շուրջ 470 կիլոմետր արագություն: Արտոնագրված ապարատն իրենից ներկայացնում Է ընկերության դուստր ստորաբաժանման Eurocopter X3 փորձարարական թեւավոր ուղղաթիռի զարգացած տարբերակը:

Նոր մոդելում լրացուցիչ ձգող պտուտակները նույնպես տեղադրված են թեւերի վերջում, սակայն, ի տարբերություն Eurocopter X3-ի, ոչ թե առջեւից, այլ հետեւից (դա արվել Է աղմուկի նվազեցման համար): Ուղղաթիռում ծրագրվում Է օգտագործել Rolls Royce Turbomeca RTM322 երկու շարժիչ:

Ներկայում ուղղաթիռների ստանդարտ արագությունը կազմում Է ժամում 240 – 260 կիլոմետր: