Շուրջ 6 մլն չինացիներ նախընտրել են Ամանորը դիմավորել արտասահմանում
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Չինաստանի մոտավորապես 6 մլն բնակիչներ լուսնային օրացույցով Նոր տարվա (կապիկի տարվա) տոնակատարության կապակցությամբ հանգստյան օրերին ճանապարհորդության են ուղեւորվել արտասահման, ինչը 13 տոկոսով գերազանցել Է 2015 թվականի համապատասխան ցուցանիշը: Այդ մասին, ինչպես տեղեկացնում Է «Արմենպրես»-ը, հաղորդել Է «Ցզինցզի ցանկաո բաո» հրատարակության Էլեկտրոնային տարբերակը:
Նշվում Է, որ այս տարի հանգստի առավել մեծ ժողովրդականություն վայելող վայրերն են դարձել Թաիլանդը, Ճապոնիան եւ Կորեայի Հանրապետությունը: Չինաստանի բնակիչները նաեւ հաճույքով են գնում Արեւմտյան Եվրոպայի երկրներ (Մեծ Բրիտանիա, Գերմանիա, Ֆրանսիա եւ Իտալիա) մեկնելու ուղեգրեր:
Չինաստանի զբոսաշրջության ասոցացիայում նշում են, որ արտասահմանյան ուղեւորություններին նպաստում են ուժեղ յուանը, արտոնյալ այցագրային քաղաքականությունը, ինչպես նաեւ իրենց մտահորիզոնն ընդլայնելու չինացիների ցանկությունը:
Գարնան տոնը կամ ինչպես Չինաստանում այն անվանում են՝ «Չունցզեն», չինացիներն ավանդաբար անցկացնում են ընտանիքի եւ մերձավորների շրջապատում: Նոր տարվա առաջին մի քանի օրն անհրաժեշտ Է անպայման անցկացնել հարազատների հետ: Մեկ շաբաթ տեւող զվարճահանդեսներն ուղեկցվում են ավանդական խնջույքներով. ճաշացուցակի պարտադիր բաղադրիչ են պելմենները, որոնք հաճախ պատրաստում են ամբողջ ընտանիքով, հաղորդել Է ՏԱՍՍ-ը: