Երևանի քաղաքապետարանը հորդորում է տնտեսվարողներին իրականացնել ձնամաքրման և ձնահեռացման աշխատանքներ
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Երևանի քաղաքապետարանը հորդորել է տնտեսվարողներին կատարել Երևանի ավագանու որոշումով սահմանված պարտականություններն ու իրականացնել ձնամաքրման աշխատանքներ:
Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, հայտարարության մեջ ասվում է.
«Հարգելի տնտեսվարողներ,
հիշեցնում ենք, որ համաձայն Երևանի ավագանու որոշման` ձեր օբյեկտների հարակից տարածքներում պարտավոր եք իրականացնել ձնամաքրման և ձնահեռացման աշխատանքներ: Ողջունելով և գնահատելով բարեխիղճ բոլոր տնտեսվարողների աշխատանքը` մյուսներին ևս հորդորում ենք կատարել իրենց պարտականությունները»: