Թուրքիան հարվածել է Սու-24-ին, քանի որ ՌԴ-ն խոչընդոտում է նավթի մաքսանենգությանը. Սիրիայի ԱԳ նախարար
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Թուրքիան կործանել է ռուսական Սու-24-ը, քանի որ Ռուսաստանի օդատիեզերական զորքերը ոչնչացնում են այն ցիստերները, որոնցով «Իսլամական պետությունը» մաքսանենգ ճանապարհով տեղափոխում է նավթը: Ինչպես հաղորդում է «Արմենպրես»-ը` վկայակոչելով «Ռիա-նովոստի»-ն, այդ մասին հայտարարել է Սիրիայի արտգործնախարար Վալիդ Մուալլեմը:
«Թուրքիան գնաց այդ քայլին, քանի որ նա շարունակում է հովանովորել այդ ահաբեկիչներին, ինչպես նաև, որ ՌԴ օդատիեզերական ուժերը հինգ օրերի ընթացքում ոչնչացրել են ավելի քան հազար ցիստերն, որոնցով Սիրիայից գողացված նավթը տեղափոխվում է Թուրքիա»,- ասել է Մուալլեմը` ՌԴ ԱԳ նախարար Սերգեյ Լավրովի հետ համատեղ ասուլիսում:
Սիրիայի ԱԳ նախարարը հայտարարել է նաև, որ «Թուրքիան շարունակում է «ԻՊ»-ի կողմից Սիրիայի և Իրաքի տարածքից գողացված նավթի արտահանումն ու տեղափոխումը այլ երկրներ»: