Օմանը կշարունակի աջակցել սիրիական ճգնաժամի խաղաղ կարգավորմանը
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի նախագահ Բաշար ալ Ասադը հոկտեմբերի 26-ին Օմանի Սուլթանության Արտաքին գործերի նախարար Յուսեֆ բն Ալաուիի հետ քննարկել է երկու երկրների միջև հարաբերությունները, երկրների ղեկավարությունների համագործակցության շարունակության, այդ թվում եղբայրական հարաբերությունների անմրապնդման վերաբերյալ հարցեր:
Ինչպես հաղորդում է «Արմենպրես»-ը` վկայակոչելով սիրիական ՍԱՆԱ գործակալությունը, նաև քննարկվել է տարածաշրջանում իրադարձությունների զարգացումները, հատկապես Սիրիայում ահաբեկչության դեմ պատերազմը և ճգնաժամի խաղաղ լուծման վերաբերյալ միջազգային օգնության խնդիրները:
Նախագահ Ասադն իր ժողովրդի անունից երախտագիտություն է հայտնել Սիրիայի հանդեպ Օմանի Սուլթանության դիրքորոշման վերաբերյալ:
Իր հերթին արտգործնախարարը հաստատել է, որ Օմանը շահագրգռված է Սիրիայի միասնականության և կայունության հարցում՝ ավելացնելով, որ իր երկիրը կշարունակի ջանքեր գործադրել՝ օգնելու Սիրիայում ճգնաժամի խաղաղ կարգավորմանը:
Օմանի արտգործնախարարը հանդիպում է ունեցել նաև Սիրիայի իր գործընկերոջ՝ Ուալիդ ալ Մուալլեմի հետ:
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար
- Նման հանդիպման մասին տեղեկատվություն այս պահին առկա չէ. ԱԳՆ-ն արձագանքել
է Ալիևի հայտարարությանը