Թուրքական Շըրնաքում քուրդ զինյալների հետ բախման ժամանակ թուրք զինվոր է զոհվել
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի քրդաբնակ Շըրնաք նահանգում թուրքական ուժային կառույցների կողմից իրականացվող հակաահաբեկչական գործողությունների շրջանակում կրկին թուրք զինվոր է զոհվել: Ինչպես հաղորդում է «Արմենպրես»-ը՝ վկայակոչելով թուրքական «Հուրիեթ» պարբերականը, Քրդական աշխատավորական կուսակցության (PKK) զինյալների արձակված կրակոցի հետևանքով զոհվել է թուրք սպա Իլքեր Թոսունը: Այս մասին հայտարարություն է տարածել Թուրքիայի զինված ուժերի գլխավոր շտաբը:
Թուրք-քրդական բախման հետևանքով նաև վիրավորվել է մեկ զինվոր և երկու քորուջու (գյուղի պահապան):
Կարծիքներ
Հարցազրույցներ
Փաստ մեկնաբանությամբ