Ռուսական նավերը հրթիռահարվածներ են հասցրել Սիրիայի տարածքին
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանի ռազմածովային ուժերի Կասպիական նավատորմի նավերը 26 հարված են հասցրել Սիրիայում «Իսլամական պետություն» ծայրահեղական խմբավորման զինյալների դիրքերին: Այդ մասին, ինչպես տեղեկացնում Է «Արմենպրես»-ը, հայտարարել Է ՌԴ պաշտպանության նախարար Սերգեյ Շոյգուն նախագահ Վլադիմիր Պուտինի հետ կայացած հանդիպմանը:
«Չորս հրթիռային նավեր ծովային բազավորման թեւավոր հրթիռների 26 արձակում են իրականացրել ԻՊ-ի 11 թիրախների ուղղությամբ: Բոլոր թիրախները ոչնչացված են, քաղաքացիական օբյեկտները չեն տուժել»,-հայտնել Է Շոյգուն: Նա նշել Է, որ սեպտեմբերի 30-ին մինչ օրս Սիրիայում հարվածներ են հասցվել իսլամիստների 112 օբյեկտների:
«Հարվածների ինտենսիվությունն աճում Է, վերջին երկու օրվա ընթացքում հայտնաբերվել են մեծ թվով օբյեկտներ՝ կառավարման կետեր, զինապահեստներ, զրահատեխնիկա, զինյալների պատրաստման ճամբարներ»,-ասել Է Շոյգուն:
Պուտինը դրական Է գնահատել ռուս զինվորականների գործողությունները Սիրիայում: