Արաբերենն առավել արագ տարածվող լեզուն Է դարձել ԱՄՆ-ում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի մարդահամարի բյուրոյի տվյալների համաձայն՝ արաբերենը եւ Պակիստանում գործածվող լեզուներից մեկը՝ ուրդուն, տարածման առավել արագ տեմպերն ունեն երկրի բնակիչների շրջանում, տեղեկացնում Է «Արմենպրես»-ը՝ հղում անելով Breitbart պորտալին:
Բյուրոյի ներկայացուցիչներն այդ միտումը կապում են մուսուլմանական երկրներից միգրանտների թվաքանակի աճի հետ:
Միգրացիայի ուսումնասիրման կենտրոնի զեկույցի տվյալներով՝ երկրում ոչ անգլերեն լեզուների կրողներ են 63,2 միլիոն մարդ, այսինքն՝ փաստորեն ԱՄՆ-ի յուրաքանչյուր հինգերորդ բնակիչը:
Թեեւ անգլերենից հետո ԱՄՆ-ում առավել տարածված լեզուն իսպաներենն Է, սակայն արաբախոս քաղաքացիների թվաքանակի աճի տեմպերը մի քանի անգամ ավելի բարձր են, քան իսպանախոսներինը:
Օրինակ, 2010-ից մինչեւ 2014 թվականը 29 տոկոսով ավելացել Է արաբերեն խոսողների թիվը, 23 տոկոսով՝ ուրդու լեզվով, եւ ինը տոկոսով ավելացել Է պարսկերեն խոսողների թիվը:
Այս զեկույցի եզրակացությունները հաստատում են այլ հետազոտություններ:
Ամեն տարի ԱՄՆ-ն ընդունում Է ավելի քան քառորդ միլիոն մուսուլման միգրանտների: Այս թիվը ներառում Է իրենց՝ միգրանտներին, ինչպես նաեւ արտագնա աշխատողներին, փախստականներին եւ օտարերկրյա ուսանողներին, հաղորդել Է «Ինտերֆաքս»-ը: