Հնդկաստանի նախագահը շնորհավորական ուղերձ է հղել Հայաստանի անկախության օրվա առթիվ
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հնդկաստանի նախագահ Պրանաբ Մուքհերջին շնորհավորական ուղերձ է հղել ՀՀ նախագահ Սերժ Սարգսյանին` Հայաստանի անկախության օրվա կապակցությամբ: Ինչպես «Արմենպրես»-ին տեղեկացրին Հայաստանում Հնդկաստանի դեսպանատնից, շնորհավորական ուղերձում ասված է.
«Ձերդ Գերազանցություն,
Ցանկանում եմ Հնդկաստանի կառավարության, ժողովրդի և անձամբ իմ անունից ջերմ ողջույններ և շնորհավորանքներ հղել Ձեզ, Հայաստանի կառավարությանն ու ժողովրդին Հայաստանի Հանրապետության անկախության օրվա կապակցությամբ:
Հնդկաստանում մենք ուրախ ենք ականատես լինելու վերջին երկուսուկես տասնամյակի ընթացքում հայ ժողովրդի ձեռք բերած առաջընթացին ու զարգացմանը: Մաղթում ենք նրանց հետագա հաջողություններ իրենց ընտրած զարգացման ճանապարհին:
Հնդկաստանը շարունակում է հավատարիմ կերպով աշխատել հայ ժողովրդի հետ՝ ավելի խորացնելու մեր ավանդական և փոխշահավետ երկկողմ հարաբերությունները:
Ձերդ Գերացանզություն, մաղթում եմ Ձեզ առողջություն և անձնական բարեկեցության, ինչպես նաև առաջընթաց ու բարգավաճում՝ Հայաստանի Հանրապետության բարեկամ ժողովրդին:
Ընդունեք հարգանքներիս հավաստիքը»: