Միշել Պլատինին իր թեկնածությունը չի առաջադրի ՈւԵՖԱ-ի նախագահի ընտրություններին
ԵՐԵՎԱՆ 28 ՕԳՈՍՏՈՍԻ ԱՐՄԵՆՊՐԵՍ: ՈւԵՖԱ-ի նախագահ Միշել Պլատինին հայտարարել է, որ չի պատրաստվում իր թեկնածությունն առաջադրել ՈւԵՖԱ-ի նախագահի հաջորդ ընտրություններին, որոնք կայանալու են 2019թ-ին:
«Սրանով ես ավարտում եմ»,- «Արմենպրես»-ի փոխանցմամբ` Reuters-ին հայտնել է Պլատինին: Սակայն դա չի նշանակում, որ ֆրանսիական ֆուտբոլի լեգենդը մտադիր է ընդհանրապես հեռանալ աշխարհի ամենազանգվածային սպորտաձեւից:
Պլատինին մտադիր է իր թեկնածությունն առաջադրել ֆուտբոլային մեկ այլ կազմակերպության` ՖԻՖԱ-ի նախագահի պաշտոնի համար ընտրություններին: ՖԻՖԱ-ի նոր ղեկավարի ընտրությունը կկայանա 2016թ-ի փետրվարի 26-ին:
Կարծիքներ
Հարցազրույցներ
Փաստ մեկնաբանությամբ