Վրաստանի նախագահն անթույլատրելի Է համարում ՌԴ-ի զորավարժություններն Աբխազիայում եւ Հարավային Օսիայում
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Վրաստանի նախագահ Գեորգի Մարգվելաշվիլին անհանգստացած Է ռուս զինվորականների կողմից անցկացվող զորավարժությունների կապակցությամբ, այդ թվում՝ Աբխազիայում եւ Հարավային Օսիայում, տեղեկացնում Է «Արմենպրես»-ը:
«Նախագահը միանգամայն անթույլատրելի Է համարում վարժանքների անցկացումը Վրաստանի բռնազավթված տարածքներում»,-ասել Է հանրապետության նախագահի՝ միջազգային հարցերով խորհրդական Թենգիզ Փխալաձեն՝ ելույթ ունենալով օգոստոսի 19-ին կայացած ճեպազրույցի ժամանակ:
Նա նշել Է, որ Մարգվելաշվիլին մտադիր Է դիմել միջազգային հանրակցությանը եւ խնդրել՝ գնահատական տալ Ռուսաստանի կողմից այլ պետության տարածքում զորավարժությունների անցկացման փաստին եւ համապատասխան գնահատական տալ, հաղորդել Է «Ինտերֆաքս»-ը: