Համահայկական խաղերի մասնակիցներն օգոստոսի 8-ին կհանգստանան
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Համահայկական խաղերի համաշխարհային կոմիտեի գործկոմի որոշմամբ՝ օգոստոսի 8-ը բոլոր մասնակիցների համար հանգստի օր է լինելու: Ինչպես «Արմենպրես»-ին տեղեկացրին ՀԽՀԿ-ի մամուլի բաժնից, օգոստոսի 8-ի առավոտյան պատվիրակները կայցելեն Հայոց ցեղասպանության թանգարան-ինստիտուտ, ծաղիկներ կդնեն Հայոց ցեղասպանության զոհերի հիշատակը հավերժացնող հուշահամալիրում:
Օրվա երկրորդ կեսից նախատեսված են մշակութային միջոցառումներ և էքսկուրսիաներ դեպի Խոր վիրապ, Գառնի, Գեղարդ, Էջմիածին և Սարդարապատ: Նշված վայրերում կսահմանվի ուժեղացված հսկողություն ոստիկանության, ինչպես նաև առողջապահության պատասխանատուների կողմից: Խաղերի մասնակից պատվիրակություններին կուղեկցեն թիմերի պատասխանատուները:
Համահայկական խաղերի համաշխարհային կոմիտեն կոչ է անում համահայկական խաղերի բոլոր մասնակիցներին հետևել կոմիտեի որոշումներին և տեղեկացնում, որ նշված ուղղություններից բացի, կոմիտեն որևէ այլ ուղղությամբ շրջագայությունների ու զբոսանքի համար պատասխանատվություն չի կրում:
- Վերջին մեկ շաբաթում Հայաստանում հաստատվել է Covid-19-ի 139 դեպք. մահացել է 1
մարդ
- Դադարե՛ք անտեսել, ճանաչե՛ք Արցախի անկախությունը.ԱՄՆ դեսապանատան դիմաց
բողոքի ակցիա է ընթանում
- Համահայկական խաղերի համաշխարհային կոմիտեն նախապատրաստվում է ձմեռային
2-րդ խաղերին
- Առողջ ապրելակերպն ազգային նոր վերելքի բաղադրիչներից է. Երևանի
պատվիրակությունը Ստեփանակերտում է
- Ստեփանակերտը պատրաստ է Համահայկական խաղերի բացմանը