ՄՈՍԿՎԱ, 3 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի Անասնաբուժական ու բուսասանիտարական դաշնային ծառայությունը (Россельхознадзор) վերջին ստուգումներն է կատարում Ուկրաինայից ներմուծված խոզի մսի որակն ու անվտանգության մակարդակը ստուգելու առնչությամբ:

Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, Россельхознадзор-ի տնօրենի օգնական Ալեքսեյ Ալեքսենկոն չի բացառել, որ մոտ օրերս կարգելվի ուկրաինական խոզի մսի մուտքը ռուսական շուկա: Պատճառը, ըստ ռուս մասնագետի, Ուկրաինայում բռնկված խոզերի աֆրիկյան ժանտախտն է: Մինչ այս հայտարարությունը ռուսական լրատվամիջոցներն արդեն տեղեկացրել էին խնդրի մասին:

Ըստ «Վեդեմոստի»-ի՝ ՌԴ Մսի ազգային ասոցիացան արդեն հայտնաբերել է խոզերի ախրիկյան ժանտախտի 12 դեպք Ուկրաինայից ներմուծված մսամթերքում: