Հարավային Կորեան հայտարարել Է MERS-ի նկատմամբ հաղթանակի մասին
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Կորեայի Հանրապետությունը հայտարարել Է երկրում շնչուղիների մերձավորարեւելյան համախտանիշի կորոնավիրուսի բռնկման փաստական ավարտի մասին: Ինչպես տեղեկացնում Է «Արմենպրես»-ն, այս մասին հայտարարել Է երկրի վարչապետ Հվան Գյո Անը:
«Տարբեր գործոնների հանգամանալից քննարկումից հետո կառավարության ներկայացուցիչները եւ բժշկական աշխատողները հանգել են այն եզրակացության, որ վարակն այլեւս քաղաքացիներին չի սպառնում»,- ընդգծել Է նա առողջապահության եւ սոցիալական ապահովության նախարարության աշխատակիցների հետ կայացած հանդիպմանը:
Վարչապետը նաեւ մարդկանց խնդրել Է «հնարավորինս արագ վերադառնալ բնականոն կյանքի»:
Հուլիսի 27-ին տնային կարանտինից հանվել Է վերջին հիվանդը, որը կարող Էր վարակված լինել կորոնավիրուսով:
Վտանգավոր վարակով վարկման նոր դեպքեր երկրում չեն գրանցվել արդեն վերջին 23 օրվա ընթացքում, հաղորդել Է ՏԱՍՍ-ը:
Լուսանկարը` Reuters