ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Եվրասիական խորհուրդը հաստատել է Եվրասիական տնտեսական միությունում (ԵԱՏՄ) արտահանմանն աջակցության ծրագիրը: Ինչպես հաղորդում է «Արմենպրես»-ը, վկայակոչելով «ՌԻԱ Նովոստի» լրատվական գործակալությունը, խորհրդի անդամները ստորագրել են վերջին հինգ տարիների ընթացքում փոխադարձ առևտրի դինամիկայի փոփոխության պատճառների, ներքին շուկաներում խնդիրների հայտնաբերման և լուծման, եվրասիական տեխնոլոգիական հարթակների ստեղծման, ինչպես նաև ԵԱՏՄ-ի երկրների միջև մակրոտնտեսական և արժութա-ֆինանասական ոլորտում համագործակցության մասին փաստաթղթեր:

Ղազախստանում տեղի ունեցած հանդիպմանը Եվրասիական միջկառավարական խորհրդի նիստում ընդհանուր առմամբ ստորագրվել է 18 փաստաթուղթ, ներառյալ՝ մինչև 2018թ. Էլեկտրական շարժիչներով տրանսպորտի արտադրությանան և օգտագործման խթանմանն ուղղված միջոցառումների ծրագրի և ԵԱՏՄ երկրներում մինչև 2017 թ. թեթև արդյունաբերության զարգացման վերաբերյալ: