Չինաստանում 175 հնագետների են բռնել, որոնց կասկածում են մշակութային իրերի գողության մեջ
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Չինաստանի ոստիկանությունը բռնել Է 175 մարդու, որոնց կասկածում են Լյաոնինի նահանգում նեոլիթի դարաշրջանի հնագիտական պեղումների տարածքում մշակութային իրերի գողության մեջ, տեղեկացնում Է «Արմենպրես»-ը՝ հղում անելով BBC-ին:
Չինաստանի իշխանությունների տվյալներով՝ գործողության ընթացքում կասկածյալներից առգրավվել Է 1168 հնագիտական իր ՝ 80 միլիոն դոլար (500 միլիոն յուան) արժողությամբ:
Ենթադրվում Է, որ արժեքավոր իրերը գողացվել են Niuheliang հնագիտիկան պեղումների տարածքից՝ սեւ շուկայում դրանց հետագա վաճառքի համար:
Գտնված իրերը վերաբերում են Հունշանի մշակույթին, որը ժամանակակից Լյաոնինի նահանգի տարածքում գոյություն Է ունեցել մ.թ.ա. V – III հազարամյակներում:
Ինչպես գրել են Չինաստանի զանգվածային լրատվամիջոցները, դա սեւ շուկայում մշակութային իրերի վաճառքի կանխման ամենախոշոր գործողությունն Է 1949 թվականից ի վեր:
Լուսանկարը` svitoc.ru