Հայ մարզիկները հաջող են հանդես գալիս Մուխրան Վախթանգաձեի մրցաշարում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Բաթումում ընթանում է հունահռոմեական ոճի ըմբշամարտի աշխարհի չեմպիոն, 2000 թ. Սիդնեյի օլիմպիական խաղերի բրոնզե մեդալակիր Մուխրան Վախթանգաձեի անվան երիտասարդական միջազգային մրցաշար, որին մասնակցում են նաև Հայաստանի պատվիրակները:
Ստուգատեսի 1-ին մրցանակները խաղարկվեցին 50, 60, 74, 96 կգ քաշային կարգերում: Մրցումների 1-ին օրը գերազանց հանդես եկավ Հրանտ Կալաչյանը, ով 74 կգ քաշային կարգում պարտության մտնելով իր բոլոր մրցակիցներին՝ դարձավ մրցաշարի հաղթող:
«Արմենպրես»-ի հաղորդմամբ, այս մասին տեղեկացնում է ըմբշամարտի ֆեդերացիան: Ըմբիշը 2014-ին Կատովիցեում (Լեհաստան) ընթացած հունահռեմեական ոճի ըմբշամարտի Եվրոպայի երիտասարդական առաջնությունում 4 անընդմեջ վստահ հաղթանակ տոնելով՝ իրեն հավասարը չէր ունեցել 66 կգ քաշային կարգում: