Իրաքյան ուժերը Թիքրիթում վերահսկողում են մարզպետարանի շենքը
ԵՐԵՎԱՆ, 31 ՄԱՐՏԻ, ԱՐՄԵՆՊՐԵՍ: Իրաքյան ուժերն ազգային կամավորական ջոկատների հետ վերահսկողում են Թիքրիթում մարզպետարանի շենքը:
Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, իրաքյան ուժերը, բացի այդ, իրենց հակակշռի տակ են առել քաղաքում մի քանի պետական շինություններ:
Ոստիկանության տեղեկացմամբ, Իրաքի դրոշը բարձրացվել է մարզպետարանի շենքի վրա: Բախումների հետևանքով ԻՊ-ի 40 ահաբեկիչ են սպանվել:
Սալահ ադ Դին մարզում ռազմական ուժերի մամուլի խոսնակ Մուհամմադ ալ Բայդանին նշել է, որ անվտանգության ուժերը շուրջ 300 պայթուցիկ սարքավորում են հայտնաբերել:
Լիբանանյան «Ալ Մայադին» գործակալության տեղեկացմամբ, իրաքյան Թիքրիթ քաղաքում մարտի 31-ին չորս պայթուցիկ սարքավորման պայթյունից զոհվել են ինը, վիրավորվել՝ երեք մարդ: Իրաքյան ուժերը վերսկսել են Թիքրիթ քաղաքի ազատագրման գործողությունները:
Աղբյուրի տեղեկացմամբ, Բաղդադի հյուսիսում մահապարտ-ահաբեկիչ է ինքնահրկիզվել, ինչի հետևանքով զոհեր և վիրավորներ են գրանցվել:
Թիքրիթի ազատագրման համար ռազմական գործողությունները սկսվել են մարտի 2-ին: ԻՊ-ի ահաբեկիչները նախորդ օրերին փորձել են նեխուժել քաղաք, սակայն չի հաջողվել:
Միջազգային դաշինը յոթ օդային հարված է հասցրել Իրաքում ահաբեկիչների դիրքերի ուղղությամբ: Հարվածներն ուղղվել են Մոսուլ, Սինջար, Թելաֆար քաղաքներին:
ԱՄՆ-ի գլխավորությամբ Իրաքում ԻՊ-ի դեմ ռազմական գործողությունները սկսվել են օգոստոսի 8-ին: