ՀՈԼԻՎՈՒԴ, 30 ՄԱՐՏԻ, ԱՐՄԵՆՊՐԵՍ: Հոլիվուդում կազմել են 2014թ. ամենաբարձր վարձատրվող դերասանների ցուցակն, որն այս անգամ գլխավորում է Լեոնարդո Դի Կապրիոն:

Ինչպես հաղորդում է «Արմենպրես»-ը վկայակոչելով The Hollywood Reporter-ը, «Գայլն Ուոլ Սթրիթ»-ից ֆիլմի համար Դի Կապրիոն ստացել է 25 միլիոն դոլար, ինչը մինչ այդ գրանցված ամենաբարձր ցուցանիշն է: Նախորդ տարի ֆիլմերում նկարահանվելու համար 20 միլիոն դոլար հոնորար են ստացել Ռոբերտ Դաունի կրտսերը, Սանդրա Բուլոկը, Անջելինա Ջոլին, Դենզել Վաշինգտոնը եւ Մեթ Դեյմոնը: Տասնյակում 6-րդ հորիզոնայոմ Դուեն Ջոնսոնն է, ով «Հերկուլես» ֆիլմում խաղալու  համար վաստակել է 15 միլիոն դոլար, Մարկ Ուոլբերգն ու Ջենիֆեր Լոուրենսը նախորդ տարի վաստակել են 10-15 միլիոն դոլար:  Տասնյակը եզրափակում է Սեթ Ռոգենը` 8,4 միլիոն դոլար հոնորարով: