ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Ամերիկյան ֆուտբոլի երկու խաղացողներ՝ մեկ տարի առաջ դաշտը լքած Սիդնի Ռայսը եւ «Նյու Յուրք Ջայանտս» թիմից գործող մարզիկ Սթիվ Ուեզերֆորդը, թույլատրել են մահվանից հետո իրենց ուղեղները գտագործել հետազոտությունների համար:

Մարզիկները նշել են, որ իրենց արարքով ցանկացել են օրինակ ծառայել մյուս խաղացողների համար, տեղեկացնում Է «Արմենպրես»-ը՝ հղում անելով BBC-ին: 

Բժիշկները տագնապ են հնչեցնում մարզական վնասվածքների եւ գլխուղեղի դեգեներատիվ հիվանդությունների հնարավոր կապի պատճառով:

Շուրջ 4,5 հազար նախկին խաղացողներ Ֆուտբոլի ազգային լիգայի դեմ հայց են հարուցել կարիերայի ընթացքում իրենց ստացած գլխի վնասվածքների պատճառով: Հայցերի գծով վճարումները կարող են կազմել 1 միլիարդ դոլար: