Սամվել Սևյանը հաղթեց «Տատա սթիլ»-ի վերջին տուրում
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: ԱՄՆ ամենաերիտասարդ գրոսմայստեր Սամվել Սևյանը 6-րդ էր «Տատա սթիլ» մրցաշարի B մրցաշարում:
Մրցաշարի վերջին տուրում Սևյանը խաղում էր Յան Տիմմանի հետ: 14-ամյա գրոսմայստերը խաղում էր սպիտակ խաղաքարերով և 36-րդ քայլին ստիպեց մրցակցին հանձնվել: Սևյանը 13 հնարավորից հավաքեց 7,5 միավոր և զբաղեցրեց 6-րդ տեղը: «Արմենպրես»-ի հաղորդմամբ, Սևյանը առաջին անգամն էր մասնակցում հոլանդական այս գերխոշոր մրցաշարին:
«Տատա սթիլ» B մրցաշարի հաղթող դարձավ Չինաստանի ներկայացուցիչ Յի Վեյ, ով 13 հնարավորից հավաքեց 10,5 միավոր:
Կարծիքներ
Հարցազրույցներ
Փաստ մեկնաբանությամբ