Երևանի Վերնիսաժի 20-ամյակի առթիվ տոնական միջոցառում է կայացել
ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի քաղաքապետի տեղակալ Արամ Սուքիասյանը և քաղաքապետի գլխավոր խորհրդական Վանո Վարդանյանը ներկա են եղել Մարտիրոս Սարյանի անվան պուրակում տեղի ունեցած՝ «Մայրաքաղաք» արվեստի գործիչների միության՝ Վերնիսաժի պաշտոնական հիմնադրման 20-ամյակի հանդիսավոր միջոցառմանը։ Այս մասին «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից:
«Անշուշտ, Երևանում բազմաթիվ են հանգստի բարեկարգ վայրերը, յուրօրինակ մթնոլորտ ունեցող տեղանքները, սակայն այս պուրակն արդեն երկու տասնամյակ երևանցիների ու մայրաքաղաքի հյուրերի համար մնում է ինքնատիպ՝ զբոսնելու, խորհելու գեղագիտական վայր։ Շնորհավորում եմ և շնորհակալ եմ մեր արվեստագետներին, որ բավականին ներկայանալի կերպով են այստեղ լինում ամեն շաբաթ-կիրակի, կարողանում են ջերմ երևանյան մթնոլորտ առաջացնել, պուրակը դարձնել մայրաքաղաքային մշակույթին բնորոշ մի վայր։ Քաղաքապետարանն այսուհետ էլ պատրաստակամ է շարունակական հոգածությամբ համագործակցելու «Մայրաքաղաք» արվեստի գործիչների միության հետ, որպեսզի ունենաք առավել մշակութային մայրաքաղաք, մայրաքաղաքային յուրօրինակ մշակույթ»,-նշել է քաղաքապետի տեղակալ Արամ Սուքիասյանը:
«Մայրաքաղաք» արվեստի գործիչների միությունը Երևանի մշակութային կյանքում ունեցած նշանակալի ավանդի, մայրաքաղաքի բարօրությանն ուղղված ամբասիր գործունեության և աշխատանքի հանդեպ ունեցած բարձր պատասխանատվության, անմնացորդ նվիրումի համար Երևանի քաղաքապետ Տարոն Մարգարյանին պարգևատրել է Միության ոսկե հուշամեդալով, որը Միության տնօրենը հանձնել է քաղաքապետի տեղակալ Արամ Սուքիասյանին։ Պարգևատրվել են նաև Վերնիսաժի կայացմանը մասնակից արվեստագետները։
Միջոցառմանը ներկա են եղել Մարտիրոս Սարյանի արձանի հեղինակ, ՀՀ ժողովրդական նկարիչ, քանդակագործ Լևոն Թոքմաջյանը, Մարտիրոս Սարյանի թոռնուհին՝ Ռուզան Սարյանը, բազմաթիվ արվեստագետներ ու արվեստասերներ:
Միջոցառման բեմադրության ռեժիսոր Ռուբեն Հովհաննիսյանի խոսքով՝ քաղաքապետարանը, աջակցելով միջոցառման իրականացմանը, նոր մշակույթ է ձևավորում՝ ընդգծելով քաղաքային նշանակության վայրերի կարևորությունը։
- Երևանի բարեգործական ճաշարաններում տաք սնունդ է ստանում 2400 շահառու
Քաղաքապետարանի ներկայացուցիչները այցելել են շահառուներին: - Արտեմ Ասատրյանն ԱՄՆ դեսպանին է ներկայացրել երեխաների իրավունքների
պաշտպանության ոլորտի բարեփոխումները
Դեսպանը պատրաստակամություն է հայտնել աջակցել ոլորտում առկա խնդիրների լուծմանը: - «Արմավիր» ԲԿ-ում հղի կնոջ նկատմամբ բուժօգնություն ցուցաբերելու ընթացքում
հայտնաբերվել են խախտումներ
Քրեական գործն ընդունվել է Արմավիրի մարզային քննչական վարչության Արմավիրի քննչական բաժնի վարույթ: - ՀԿ-ների համար հայտարարվել է Նախագահի աշխատակազմի կողմից
հատկացվող դրամաշնորհների մրցույթ
Մրցույթին մասնակցելու համար հայտը պետք է ներկայացվի 2015թ փետրվարի 16- ից մինչև մարտի 17-ը: - Անապահովության գնահատման համակարգի ընտանիքների 4000 երեխաներ
մասնակցել են տոնական միջոցառումների
Միջոցառումները նախաձեռնել է Երևանի քաղաքապետարանը: