Հայտնի են Հայաստանի շախմատիստի կենտրոնական տան մրցաշարի հաղթողները
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Երևանում ավարտվել է Հայաստանի շախմատիստի կենտրոնական տան եզրափակիչ մրցաշարը: Տարեվերջյան այս ստուգատեսին մասնակցել են անհատական վարկանիշային բարձր շեմը հաղթահարած, ինչպես նաև ընտրական փուլերում իրավունք նվաճած ընդհանուր առմամբ 66 շախմատիստ:
«Արմենպրես»-ի հաղորդմամբ` այս մասին տեղեկացնում է Հայաստանի շախմատի ֆեդերացիան:
Համառ և անզիջում պայքարի արդյունքում մրցաշարի հաղթող է ճանաչվել Երևանի տղամարդկանց առաջնությունների կրկնակի հաղթող Արտավազդ Հայրապետյանը: 2-րդ տեղը զբաղեցրել է Ռաֆայել Բակունցը, իսկ 3-րդ մրցանակը բաժին է հասել Եվրոպայի մինչև 14 տարեկանների փոխչեմպիոն Արամ Հակոբյանին:
Կարծիքներ
Հարցազրույցներ
Փաստ մեկնաբանությամբ