Բրիտանացիները միլիոնավոր ֆունտեր են ծախսում «խուճապի շաբաթ օրվա» ընթացքում
ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Բրիտանացիները, ինչպես սպասվում Է, 1,2 միլիարդ ֆունտ (գրեթե 1,9 մլրդ դոլար) կծախսեն կաթոլիկների Ծննդյան տոներին նախորդող վերջին շաբաթ օրվա, այսպես կոչված «խուճապի օրվա» ընթացքում, տեղեկացնում Է «Արմենպրես»-ը՝ հղում անելով BBC-ին:
Ինչպես հաշվել են Մեծ Բրիտանիայի Մանրածախ առեւտրի հետազոտական կենտրոնում, յուրաքանչյուր րոպե, քանի դեռ բաց են խանութները, 13 միլիոն գնորդներ կծախսեն 2,1 միլիոն ֆունտ (գրեթե 3,3 մլն դոլար):
Գնորդների հոսքի նախաշեմին խանութներում խստացվել Է պահպանությունը:
Ինչպես հաշվել են հետազոտողները, Ծննդյան տոներին նախորդող շաբաթվա ընթացքում ծախսերն անցյալ տարվա համապատասխան ժամանակաշրջանի համեմատությամբ կավելանան 7 տոկոսով:
Կարծիքներ
Հարցազրույցներ
Փաստ մեկնաբանությամբ