Տասնյակ հազարավոր վարորդներ կազատվեն տուգանքների վճարումից
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության կառավարությունը հաստատեց նախագծերի փաթեթ, որով անվավեր են ճանաչվում ճանապարհային ոստիկանության կողմից կազմված տասնյակ հազարավոր քաղաքացիների վարչական տուգանքները: «Արմենպրես»-ի հաղորդմամբ՝ ՀՀ արդարադատության նախարար Հովհաննես Մանուկյանը նշեց, որ այն քաղաքացիները, որոնք պատշաճ չեն ծանուցվել իրենց վարչական տուգանքի վերաբերյալ, չեն պարտավորվում վճարել տուգանքը:
Պատասխանելով ՀՀ վարչապետ Հովիկ Աբրահամյանի հարցին՝ Մանուկյանն ընդգծեց, որ տուգանքների վճարումից կազատվեն տասնյակ հազարավոր քաղաքացիներ, իսկ տուգանքների ընդհանուր գումարը կազմում է 2 միլիարդ դրամ:
Կարծիքներ
Հարցազրույցներ
Փաստ մեկնաբանությամբ