Խարույկներով բողոքի ակցիա Բաքվում
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Բաքվի Խաթայիի շրջանի Ջավանշիրի փողոցի բնակիչները բողոքի ակցիայի են դուրս եկել եւ փակել փողոցը:
Ինչպես հաղորդում է «Արմենպրես»-ը` վկայակոչելով ադրբեջանական ANS հեռուստաալիքը, նրանք խարույկներ են վառել փողոցում եւ այդ կերպ բողոքել շենքերի ջեռուցումն անջատելու դեմ:
Բնակելի շենքերի ջեռուցման խնդիրներ են առաջացել նաեւ Բաքվի մի քանի շրջաններում: Պատճառն այն է, որ քաղաքի Յասամալի շրջանի գործադիր իշխանության ղեկավար Ւբրահիմ Մեհտիեւի օբյեկտի շինարարության ժամանակ շրջանի ջերմամատակարարման գիծը խաթարվել է, ինչի արդյունքում 1000-ից ավելի մարդ մնացել է առանց ջեռուցման:
Կարծիքներ
Հարցազրույցներ
Փաստ մեկնաբանությամբ