Արազ Օզբիլիսն սկսել է վազել
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ազգային հավաքականի և Մոսկվայի «Սպարտակ»-ի կիսապաշտպան Արազ Օզբիլիսը սկսել է վազել:
Ինչպես հաղորդում է «Արմենպրես»-ը՝ ֆուտբոլիստը «Ֆեյսբուք»-ի իր էջում տեսանյութ է հրապարակել, որում նա վազքի վարժություն է կատարում:
Ֆուտբոլիստը տեսանյութի տակ նաև թողել է հետևյալ գրառումը. «Վիրահատությունից 68 օր անց սկսել եմ վազել»:
Արազ Օզբիլիսը վնասվածք էր ստացել 2014թ. մայիսի 31-ին կայացած Ալժիր-Հայաստան ընկերական հանդիպման ընթացքում և չէր կարողացել շարունակել հանդիպումը: Ֆուտբոլիստի մոտ աջ ոտքի ծնկի դիմային հատվածի խաչաձև կապանների կտրվածք էր արձանագրվել: Ֆուտբոլիստը սեպտեմբերի 14-ին վիրահատության է ենթարկվել, որից հետո աստիճանաբար սկսել է վերականգնողական փուլը:
Կարծիքներ
Հարցազրույցներ
Փաստ մեկնաբանությամբ