ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Մյունխենի «Բավարիա»-ի գլխավոր մարզիչ Պեպ Գվարդիոլայի համար «Բորուսիա»-ն մնում է հիմնական մրցակիցը, իսկ Ռոյսի մասին իսպանացի մասնագետը չի խոսում: «Ես գիտեմ, որ այս հանդիպումը շատ կարևոր է ակումբի և երկրապագուների համար, և այն կարևոր է նաև դորտմունդցիների համար: Սակայն ես ամենին վերաբերվում եմ ինչպես մարզիչը: Չեմ ուսումնասիրել մրցաշարային աղյուսակում «Բորուսիա»-ի դիրքը: Դա նշանակություն չունի: Մենք խաղալու ենք մեր հիմնական հակառակորդի` «Բորուսիա»-ի դեմ»,-«Արմենպրես»-ի հաղորդմամբ, Գվարդիոլայի խոսքերը մեջբերում է Բունդեսլիգայի պաշտոնական կայքը: Նախախաղային ասուլիս ժամանակ Գվարդիոլան հրաժարվել է պատասխանել Մարկո Ռոյսի վերաբերյալ հարցին: Բունդեսլիգայի 10-րդ տուրում «Բավարիա»-ն Մյունխենի «Ալիանս Արենա»-ում նոյեմբերի 1-ին կհյուրընկալի Դորտմունդի «Բորուսիա»-ին: Մյունխենցիները այժմ գլխավորում են մրցաշարային աղյուսակը, իսկ «Բորուսիա»-ն 15-րդ տեղում է: