ՄԱԿ-ը պատրաստ է աջակցել Սիրիայի հարցով բանագնացին
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: ՄԱԿ-ը հայտարարել է, որ կաջակցի Սիրիայի հարցով ՄԱԿ-ի բանագնաց Ստեֆան դե Միստուրային` սիրիական հակամարտությունը կագավորելու հարցում: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, դե Միստուրան առաջարկել է սկսել կարգավորել սրված իրավիճակը՝ Դամասկոսին և ընդդիմությանը հորդորելով միասնաբար պայքարել ահաբեկչության դեմ, ապա` զինադադար կնքել:
ՄԱԿ-ի Անվտանգության խորհրդի անդամները պատրաստակամություն են հայտնել աջակցել նրան: Դե Միստուրան լրագրողներին տեղեկացրել է, որ այս փուլում նա չունի հակամարտությունը հարթելու ծրագիր, սակայն կա գործունեության պլան:
ՄԱԿ-ի գլխավոր քարտուղար օգնական Սան Գյուն Վա Կանը հայտարարել է, որ Սիրիայում մարդասիրական ճգնաժամը ավելի է վատթարանում հակամարտության բոլոր կողմերի ծայրահեղ քայլերի պատճառով: Նրա խոսքով` շարունակվող պատերազմում զոհերի և վիրավորների թիվը գնալով ավելանում է:
Սիրիական հակամարտության 3,5 տարիների ընթացքում, ՄԱԿ-ի տվյալներով, զոհվել է մոտ 200 հազար մարդ: Միլիոնավոր սիրիացիներ հեռացել են իրենց հայրենիքից ՝ հաստատվելով հիմնականում հարևան Լիբանանում, Թուրքիայում, Հորդանանում և Իրաքում:
- ԱՄՆ կոնգրեսականները ՄՔԴ-ին սպառնում են պատասխան միջոցներով Իսրայելի
նկատմամբ հետաքննության պատճառով. Axios
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար