Հայաստանը ԵՄ-ի հետ հարաբերություններում պատրաստ է այնքան հեռու գնալ, որքան դրան պատրաստ է ԵՄ-ն. Նալբանդյան
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը պատրաստ է զարգացնել և առավել խորացնել հարաբերությունները Եվրոպական Միության հետ և գնալ այնքան հեռու, որքան դրան պատրաստ է ԵՄ-ն: Այս մասին Հայրենիք-Սփյուռք 5-րդ համաժողովի մասնակիցների հետ հանդիպմանը նշեց ՀՀ ԱԳ նախարար Էդվարդ Նալբանդյանը՝ պատասխանելով ներկաներից մեկի հարցին, թե որքանով ԵՏՄ-ին անդամակցությունը կխանգարի Հայաստանին` ԵՄ-ի հետ հարաբերությունների զարգացմանը: «Մենք միշտ ասել ենք, որ պատրաստ ենք խորացնել, զարգացնել, ամրապնդել հարաբերությունները Եվրամիության հետ, գնալ այնքան հեռու, որքան դրան պատրաստ է Եվրամիությունը: Սակայն դա չպետք է լինի ի հաշիվ Ռուսաստանի հետ մեր դաշնակցային, ռազմավարական հարաբերությունների և ոչ ի հաշիվ այլ ինտեգրացիոն գործընթացներում ներգրավված լինելու մեր ցանկության»,- «Արմենպրես»-ի հաղորդմամբ՝ շեշտեց նախարարը:
Նա հիշեցրեց, որ երբ Հայաստանը անցած տարվա սեպտեմբերի 3-ին հայտարարեց ՄՄ-ին անդամակցելու ցանկության մասին, 10 օր անց Երևանում անցկացվել է Եվրամիության Արևելյան գործընկերության նախաձեռնությամբ արտաքին գործերի նախարարների հանդիպումը: «Եվ այդ ժամանակ Եվրամիությունից ներկա բարձր պաշտոնյաների ներկայությամբ ես նույն բանն ասացի: Նրանք էլ քաջ տեղյակ էին, որ այդպես է եղել նախաձեռնությունից առաջ և ամբողջ բանակցային ընթացքում և այսօր, ուստի, որևէ մեկն այլ կարծիք չուներ»,- նկատեց նախարարը:
Նալբանդյանը ևս մեկ անգամ հիշեցրեց, որ Հայաստանը և ԵՄ-ն Վիլնյուսում համատեղ հայտարարություն են ընդունել համագործակցությունը փոխադարձ հետքրքրություն ներկայացնող բոլոր ոլորտներում շարունակելու համար, որում ընդգծված են համագործակցության ուղիները և հետագա անելիքները:
- ՀՀ դեսպանը կարևորել է Իրանի հետ տնտեսական հարաբերությունները
խորացնելու անհրաժեշտությունը
Իրանում ՀՀ դեսպան Արտաշես Թումանյանը հանդիպել է Իրանի ֆինանսների և էկոնոմիկայի նախարարին: - ՀՀ դեսպանը և Կանադայի ԱԳ նախարարն ընդգծել են առևտրատնտեսական
կապերը խորացնելու անհրաժեշտությունը
Հանդիպմանն անդրադարձ է կատարվել միջազգային կազմակերպություններում դինամիկ համագործակցությանը: - Թեհրանում կայացել են հայ-իրանական հյուպատոսական խորհրդատվություններ
Պատվիրակությունները քննարկել են երկկողմ հետաքրքրություն ներկայացնող հարցերի լայն շրջանակ: - Չեխիայում ՀՀ դեսպանը ներկայացրել է Հայաստանի ներդրումային
հնարավորությունները
Տիգրան Սեյրանյանն աշխատանքային այց է կատարել Հրադեց Կրալովիի երկրամաս: - Տիգրան Սարգսյանը Վաշինգտոնում խոսել է տարբեր ոլորտներում հայ-կիպրական
համագործակցությունից
ԱՄՆ-ում տեղի է ունեցել Կիպրոսի և համահունական հարցերին նվիրված 31-րդ տարեկան համաժողովը: