ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: Մալայզիական Boeing-777-ի ավիաաղետի 74 զոհերի մարմիններով բեռնված եւս երկու ինքնաթիռներ են Խարկովի օդանավակայանից մեկնել Նիդեռլանդներ: Այդ մասին, ինչպես տեղեկացնում Է «Արմենպրես»-ը, հաղորդել Է «Ուկրինֆորմ»-ը:

«Ուղարկվել Է 74 կոնտեյներ՝ ավիաաղետից զոհվածների մարմիններով ու մարմնամասերով: Ինքնաթիռները վայրԷջք կկատարեն Նիդեռլանդների Թագավորության Էյնդհովեն քաղաքում»,-նշել են Խարկովի մարզային պետվարչակազմում:

Միջազգային փորձագետները, որոնց թվում կան Նիդեռլանդների, Ավստրալիայի, Մալայզիայի, ԱՄՆ-ի ու Մեծ Բրիտանիայի մասնագետներ, շարունակում են զոհվածների մարմինների զննման եւ նրանց Նիդեռլանդներ փոխադրելուն նախապատրաստելու աշխատանքը: 

Հուլիսի 23-ին «Խարկով» օդանավակայանից Նիդեռլանդներ են մեկնել առաջին երկու ինքնաթիռները՝ ավիաաղետից զոհվածների 40 մարմիններով: