ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Հայաստանի ձյուդոյի պատանեկան հավաքականը կմասնակցի մայիսի 8-14-ը Չեխիայի Տեպլիցեում կայանալիք ձյուդոյի Եվրոպայի գավաթի մրցաշարին:

          Ինչպես «Արմենպրես»-ին  տեղեկացրին Հայաստանի ձյուդոյի ֆեդերացիայից, մեր թիմը այս մրցաշարին կմասնակցի լիակազմ, ուսումնամարզական հավաք անցկացնելուց հետո:

          Իսկ Հայաստանի ձյուդոյի մեծահասակաների հավաքականը անցկացնում Է իր  վերջին մարզումները` նախապատրաստվելով ապրիլի 24-27-ը Ֆրանսիայի Մոնպելիե քաղաքում կայանալիք  ձյուդոյի Եվրոպայի առաջնությանը:

          Այս մրցաշարին կմասնակցեն 4 մարզիկներ՝ 60կգ քաշային Հովհաննես Դավթյանը, 81կգ քաշայիններ Անդրանիկ Չափարյանը եւ Ռաֆայել Դավթյանը եւ 52կգ քաշային Ժաննա Ստանկեւիչը: