Իլկայ Գյունդուգանը երկարաձգել է պայմանագիրը «Բորուսիա»-ի հետ
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Դորտմունդի «Բորուսիա»-ի ֆուտբոլիստ Իլկայ Գյունդուգանը գերմանական ակումբում կմնա մինչև 2016 թվականը:
«Մենք նույնպես ուրախ ենք պայմանագրի երկարաձգման համար և հուսով ենք, որ Իլկայն իր ամբողջ ներուժով կկարողանա օգնել թիմին»,-«Արմենպրես»-ի հաղորդմամբ, նման կարծիք է հայտնել «Բորուսիա»-ի մարզական տնօրեն Միխայլ Ցորկը:
Ինքը` Գյունդուգանը, խոսելով նոր պայմանագրի մասին, փաստել է. «Ես շատ շնորհակալ եմ, որ իմ ակումբն ինձ հնարավորություն տվեց շարունակել խաղալ այս յուրօրինակ թիմի հետ: Ես ամեն ինչ անելու եմ խաղընկերներիս կրկին օգնելու համար»:
Գյունդուգանը Դորտմունդի «Բորուսիա» է տեղափոխվել «Նյուրնբերգ»-ից 2011 թվականին: Նույն թվականին ֆուտբոլիստն հրավիրվել է Գերմանիայի ազգային հավաքական: Մինչ այս Բունդեսլիգայում անցկացրել է 104 հանդիպում: