Լեգենդար DDT ռոք խմբի համերգը խոստանում է տոն դառնալ երեւանցիների համար
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Ռուսաստանյան լեգենդար DDT ռոք խումբը հունիսի 16-ին համերգով հանդես կգա Երեւանի կունենա Կարեն Դեմիրճյանի անվան մարզահամերգային համալիրի փոքր դահլիճում՝ «Ժողովրդական դիվանագիտության առաքելություն» քաղաքացիական նախաձեռնության շրջանակում: «Ժողովրդական դիվանագիտության առաքելության» շրջանակներում Երեւան կայցելի շուրջ հինգ հարյուր օտարերկրյա հյուր, այդ թվում` շուրջ երկու հարյուր մշակույթի գործիչներ, ձեռներեցներ եւ լրագրողներ Էստոնիայից։
«Արմենպրես»-ի թղթակցի հետ զրույցում «Ժողովրդական դիվանագիտության առաքելության» համահիմնադիր Մելիս Կուբիտսը նշեց, որ DDT ռոք-խմբի մենակատար Յուրի Շեւչուկի համերգով կեզրափակվի միջոցառումների շարքը, որոնք կանցկացվեն Երեւանում հունիսի 12-16-ը:
«Կարծում եմ այն միջոցառումները, որոնք տեղի կունենան առաքելության շրջանակում, այդ թվում Միխայլ Ժվանեցկու հեղինակային երեկոն եւ Շեւչուկի համերգը, իսկական տոն կդառնան երեւանցիների համար»,- նշեց Կուբիտսը: Նրա խոսքով` խմբի երեւանյան համերգի մասին պայմանավորվածությունը ձեռք է բերվել դեռ 2013 թվականի փետրվարին: Նա նշեց, որ Յուրի Շեւչուկի` Հայաստան այցելելու ցակնությունը մեծ է:
Քաղաքացիական նախաձեռնության նպատակն է Հայաստանի հին մշակույթին եւ պատմությանը ծանոթանալը եւ արտերկրում այլ մշակույթները ներկայացնելը։
DDT ռոք խմբի երեւանյան համերգի կազմակերպիչն է Mezzo production-ը: DDT-ն հիմնադրվել է 1980-ին Ուֆայում: Խմբի հիմնադիրը, երգերի մեծ մասի հեղինակը կոմպոզիտոր, նկարիչ, հասարակական գործիչ եւ պրոդյուսեր Յուրի Շեւչուկն է:
«Ժողովրդական դիվանագիտության առաքելության» իրականացմանը աջակցում են ՀՀ մշակույթի եւ Արտաքին գործերի նախարարությունները: Վեց օրերի ընթացքում նախատեսվում են մոտ 40 միջոցառումներ Երեւանում, Գյումրիում, Ծաղկաձորում, Տաթեւում, Էջմիածնում: