Հալեպի հայկական թաղամասերում իրավիճակը համեմատաբար հանդարտ է. Ժիրայր Ռեյիսյան
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Հալեպի հայաշատ շրջաններում այս պահի դրությամբ իրավիճակը համեմատաբար հանգիստ է: Այս մասին «Արմենպրես»-ին տեղեկացրեց Հալեպի Ազգային առաջնորդարանի մամլո խոսնակ Ժիրայր Ռեյիսյանն` ավելացնելով, որ սիրիական բանակն իր դիրքերը հաստատել է հայաշատ թաղամասերում:
Ռեյիսյանի խոսքով` վերջին բախումների հետեւանքով բնակելի շինություններ եւ տարբեր հաստատություններ բավական վնասներ են կրել, սակայն, բարեբախտաբար, մարդկային վնասները քիչ են. վիրավորվածների թվում նաեւ հայեր կան, որոնց առողջական վիճակը կայուն է:
«Նոր գյուղի շրջանում թեպետ համեմատաբար հանգիստ է, սակայն իր բնականոն կյանքին չի վերադարձել, բնակիչների մեծամասնությունը, որն ավելի ապահով թաղամասեր էր տեղափոխվել, դեռ չի վերադարձել: Հուսանք առանց հետագա բարդության իրավիճակը կբարելավվի, եւ առաջիկա օրերին մարդիկ կվերադառնան իրենց բնակարանները»,- նշեց մամլո խոսնակը:
Հալեպահայերի ֆեյսբուքյան էջից տեղեկացանք, որ Սուլեյմանիա, Ազիզիա եւ Սիյահի թաղամասերում երթեւերկությունը փոքր-ինչ կարգավորված է, արդեն մարդկանց անցուդարձ է նկատվում եւ որոշ առեւտրական կենտրոններ վերաբացվել են:
Սիրիայում ավելի քան 18 ամիս շարունակվող բախումների հետեւանքով զոհվել է 20 հազարից ավելի մարդ, այդ թվում` երկու տասնյակից ավելի սիրիահայեր:
- ԱՄՆ կոնգրեսականները ՄՔԴ-ին սպառնում են պատասխան միջոցներով Իսրայելի
նկատմամբ հետաքննության պատճառով. Axios
- Հայաստանի տարածքային ամբողջականությունը ոչ ոք չի վիճարկում․ Վաղարշակ
Հակոբյան
- Ադրբեջանի ԶՈՒ ստորաբաժանումները շարունակում են կրակը Կութում և Սոթքում տեղակայված հայկական դիրքերի ուղղությամբ
- Ադրբեջանի և Սերբիայի նախագահները մի շարք համատեղ փաստաթղթեր են
ստորագրել
- ՀՀ ԱԳ նախարարը Ֆրանսիայի պաշտոնակցին երախտագիտություն է հայտնել Բաքվի
ագրեսիայի առնչությամբ Փարիզի դիրքորոշման համար