Նյու Յորքի հայությունը Հունգարիային հիշեցնում է` «Մեղքի քավումը Լեռնային Ղարաբաղի ճանաչումն» է
ՆՅՈՒ ՅՈՐՔ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Նյու Յորքի հայությունը սեպտեմբերի 10-ին բողոքի ցույց անցկացրեց Հունգարիայի հյուպատոսության առջեւ` իր վրդովմունքը հայտնելով մարդասպան Ռամիլ Սաֆարովի արտահանձնման առնչությամբ: Բողոքի ակցիան, որին մասնակցում էին հայ համայնքի ամենատարբեր շերտերն ու խմբերը ներկայացնող 200-300 ներկայացուցիչներ, ուղեկցվեց մոմավառությամբ: Միջոցառումը կազմակերպել էին Նյու Յորք-Նյու Ջերսիի Հայ դատի հանձնախմբի, Հայ Երիտասարդական դաշինքի եւ Սուրբ Վարդանի Ասպետների ու Դուստրերի կազմակերպությունը: Ինչպես հաղորդում է «Արմենպրես»-ի Նյու Յորքի թղթակիցը, ակցիան ուղեկցվեց «Ամոթ Հունգարիային», «Ամոթ Ադրբեջանին», անգամ «Ամոթ Թուրքիային», ինչպես նաեւ «Ալիեւը ստախոս է», «Ադրբեջանը պետք է պատասխան տա», «Արդարությունը պետք է վերականգնվի», «Այլեւս ոչ մի արյուն նավթի դիմաց», «Կացնով սպանող հանցագործները պետք է ենթարկվեն արդարադարության» եւ այլ համանման կարգախոսներով: Այս ամենին զուգահեռ, որպես տրամաբանական շարունակություն, հնչեց նաեւ Հունգարիային ուղղված «Մեղքի քավումը` Լեռնային Ղարաբաղի անկախության ճանաչմամբ» կարգախոսը:
Բողոքի ակցիայի ավարտին հնչեց աղոթք, որից հետո մասնակիցները մոմեր եւ ծաղիկներ դրեցին Հունգարիայի հյուպատոսարանի առաջ տեղադրված Գուրգեն Մարգարյանի նկարի առջեւ: Թեպետ բողոքի միջոցառումը կազմակերպվել էր երեկոյան ժամը 18:30-ից 20:00-ն, այդուհանդերձ, Հունգարիայի հյուպատոսարանում վառվող լույսերը վկայում էին այն մասին, որ բողոքի ձայնը հասել էր հյուպատոսարանի աշխատակիցներին, հատկապես, որ նրանց մեծամասնությունը բնակվում է հյոպատոսարանին կից բազմահարկում, որտեղից ամբողջովին տեսանելի ու լսելի էր միջոցառումը: 2004 թվականի փետրվարի 19-ին Բուդապեշտում ադրբեջանցի ոճրագործ սպա Ռամիլ Սաֆարովը կացնահարել է Հայաստանի ԶՈւ սպա Գուրգեն Մարգարյանին քնած ժամանակ:
- Օրբանին Հունգարիայում շարունակում են մեղադրել Սաֆարովին
արտահանձնելու որոշման համար
Իշխանությունները լուրջ քննադատությունների թիրախ են դառնում ընդդիմադիրների կողմից: - Ավստրալիան անհանգստացած է Սաֆարովի արտահանձման փաստի
առնչությամբ
Ադրբեջանի գործողություններն ունեն Լեռնային Ղարաբաղի հակամարտության կարգավորման ԵԱՀԿ ՄԽ-ի կողմից շարունակվող միջնորդության ջանքերը քայքայելու ներուժ. ԱԳՆ: - Կոնգրեսական Բերմանն ԱՄՆ պետքարտուղարին առաջարկում է կասեցնել
Ադրբեջանի մասնակցությունը ՆԱՏՕ-ի ԳՀԽ ծրագրին
Սաֆարովի արտահանձնման դեպքի առնչությամբ Հովարդ Բերմանը նամակ է հղել ԱՄՆ պետքարտուղար Հիլարի Քլինթոնին: - Շվեդիայի խորհրդարանականները պահանջել են Հունգարիայի պաշտոնական
պարզաբանումը «սաֆարովյան» գործով հետագա քայլերի շուրջ
«Միեւնույն ժամանակ մենք հույս ենք տածում, որ ձեր կառավարությունը կձեռնարկի վճռական միջոցներ` Բաքվին հանդիմանելու միջազգային օրենքները խախտելու, Լեռնային Ղարաբաղի բանակցային գործընթացը վտանգելու համար»,-նշվում է նամակում: - Սպանությունը դատապարտում են, այլ ոչ թե փառաբանում ու պարգեւատրում.
կանադացի օրենսդիր
«Ցանկանում եմ արտահայտել իմ բացարձակ արհամարհանքը եւ լիակատար անվստահությունը` ադրբեջանցի սպա Ռամիլ Սաֆարովի միջադեպի հետ կապված վերջին զարգացումների առնչությամբ»,-ասել է Կանադայի շրջանային խորհրդարանի պատգամավորը: