Ռասմուսենը Բաքվում խոսել է Սաֆարովին ներում շնորհելու բացասական հետևանքների մասին
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: ՆԱՏՕ-ի գլխավոր քարտուղար Անդերս Ֆոգ Ռասմուսենը, կրկնելով Երևանում արած իր հայտարարությունը, Բաքվում ևս իր մտահոգությունն ու անհանգստությունն է հայտնել` ադրբեջանցի մարդասպան Ռամիլ Սաֆարովին ներում շնորհելու առնչությամբ: Այս մասին հաղորդում է «Արմենպրես»-ը` վկայակոչելով ադրբեջանական 1news.az-ը:
«Սաֆարովին ներում շնորհելը չի կարող նպաստել Լեռնային Ղարաբաղի հակամարտության խաղաղ կարգավորմանը»,- հայտարարել է ՆԱՏՕ-ի գլխավոր քարտուղարը` ընդգծելով, որ այս ամենը կարող է բացասական ազդեցություն ունենալ Հարավային Կովկասի կայունության և անվտանգության, ինչպես նաև Լեռնային Ղարաբաղի հակամարտւթյան խաղաղ կարգավորման գործընթացի վրա:
Ռասմուսենը հերթական անգամ նշել է, որ ՆԱՏՕ-ն ինչպես նախկինում, այնպես էլ ներկայում աջակցում է ԵԱՀԿ Միսնկի խմբի համանախագանհերին` ԼՂ հակամարտության խաղաղ կարգավորման հարցում: «Լեռնային Ղարաբաղի հակամարտության խաղաղ կարգավորումն այլընտրանք չունի»,- Ադրբեջանի դիվանագիտական ակադեմիայում հայտարարել է ՆԱՏՕ-ի գլխավոր քարտուղարը:
Տարածաշրջանային այցով Ադրբեջանում գտնվող Անդերս Ֆոգ Ռասմուսենը նախօրեին այցելել էր Հայաստան, հանդիպել ՀՀ Նախագահ Սերժ Սարգսյանի, Արտաքին գործերի նախարար Էդվարդ Նալբանդյանի և Պաշտպանության նախարար Սեյրան Օհանյանի հետ:
- Օրբանին Հունգարիայում շարունակում են մեղադրել Սաֆարովին
արտահանձնելու որոշման համար
Իշխանությունները լուրջ քննադատությունների թիրախ են դառնում ընդդիմադիրների կողմից: - Ավստրալիան անհանգստացած է Սաֆարովի արտահանձման փաստի
առնչությամբ
Ադրբեջանի գործողություններն ունեն Լեռնային Ղարաբաղի հակամարտության կարգավորման ԵԱՀԿ ՄԽ-ի կողմից շարունակվող միջնորդության ջանքերը քայքայելու ներուժ. ԱԳՆ: - Կոնգրեսական Բերմանն ԱՄՆ պետքարտուղարին առաջարկում է կասեցնել
Ադրբեջանի մասնակցությունը ՆԱՏՕ-ի ԳՀԽ ծրագրին
Սաֆարովի արտահանձնման դեպքի առնչությամբ Հովարդ Բերմանը նամակ է հղել ԱՄՆ պետքարտուղար Հիլարի Քլինթոնին: - Շվեդիայի խորհրդարանականները պահանջել են Հունգարիայի պաշտոնական
պարզաբանումը «սաֆարովյան» գործով հետագա քայլերի շուրջ
«Միեւնույն ժամանակ մենք հույս ենք տածում, որ ձեր կառավարությունը կձեռնարկի վճռական միջոցներ` Բաքվին հանդիմանելու միջազգային օրենքները խախտելու, Լեռնային Ղարաբաղի բանակցային գործընթացը վտանգելու համար»,-նշվում է նամակում: - Սպանությունը դատապարտում են, այլ ոչ թե փառաբանում ու պարգեւատրում.
կանադացի օրենսդիր
«Ցանկանում եմ արտահայտել իմ բացարձակ արհամարհանքը եւ լիակատար անվստահությունը` ադրբեջանցի սպա Ռամիլ Սաֆարովի միջադեպի հետ կապված վերջին զարգացումների առնչությամբ»,-ասել է Կանադայի շրջանային խորհրդարանի պատգամավորը: