Ավստրալահայերը հորդորել են երկրի իշխանություններին դատապարտել Ադրբեջանին եւ Հունգարիային
ԵՐԵՎԱՆ, 5 ՍԵՊՏԵՄԲԵՐԻ, ԵՐԵՎԱՆ: Ավստրալիայի Հայ դատի հանձնախումբը երկրի վարչապետ Ջուլի Գիլարդին նամակ է հղել, որում կոչ է արել Ավստրալիային` իր ձայնն ավելացնել Հունգարիայից Ադրբեջանին արտահանձնած եւ ներման արժանացած ոճրագործ Սաֆարովի վերաբերյալ միջազգային հանրության դատապարտմանը: Այս մասին «Արմենպրես»-ին տեղեկացրին Ավստրալիայի Հայ դատի հանձնախմբից: «Մենք դատապարտում ենք Հունգարիայի կառավարության կողմից արտահանձման գործընթացը եւ կոչ ենք անում այդ երկրի կառավարությանը` ներողություն խնդրել Հայաստանից եւ հայ ժողովրդից»,-նշել է Ավստրալիայի Հայ դատի հանձնախմբի գործադիր տնօրեն Վահե Ղահրամանյանը:
Բացի Ավստրալիայի վարչապետին ուղղված նամակից, հանձնախումբը նամակներ է հղել նաեւ Ավստրալիայի արտգործնախարար Բոբ Կարին, երկրում ՆԱՏՕ-ի դեսպան Բրենդան Նելսոնին, ինչպես նաեւ Ավստրալիայում Հունգարիայի դեսպան Աննա Մարիա Սիկոյին: «Մենք դատապարտում ենք Ադրբեջանի ղեկավարությանը, որը եւս մեկ անգամ ցույց տվեց իր դժկամությունը Լեռնային Ղարաբաղի հակամարտությունը խաղաղ կարգավորելուն ուղղված որոշման նկատմամբ: Լեռնային Ղարաբաղի մեր սիրելի եղբայրները եւ քույրերն արդեն բավականին տառապել են»,-ասել է Ղահրամանյանն` ավելացնելով, որ նման արարքները խախտում են դատական նորմերը:
«Ավստրալիան եղել է ՆԱՏՕ-ի ակտիվ գործընկերը, եւ այն բարոյական պարտավորություն ունի հրապարակավ դիտողություններ անելու այս ցնցող միջադեպի առնչությամբ»,-ասված է հայտարարության մեջ:
Ավստրալիայի Հայ դատի հանձնախումբը նաեւ հանդիպում է պահանջել Ավստրալիայում Հունգարիայի դեսպանի հետ` ավստրալահայ համայնքի խոր մտահոգությունը փոխանցելու նպատակով:
2004 թվականի փետրվարի 19-ին Բուդապեշտում ադրբեջանցի ոճրագործ սպա Ռամիլ Սաֆարովը կացնահարեց Հայաստանի ԶՈւ սպա Գուրգեն Մարգարյանին քնած ժամանակ: Սպաները Հունգարիայի մայրաքաղաքում մասնակցում էին անգլերեն դասընթացներին` ՆԱՏՕ-ի ծրագրի շրջանակներում: Հունգարիայի դատարանը դատապարտեց Ռամիլ Սաֆարովին ցմահ բանտարկության առանց ներման իրավունքի առաջին 30 տարիներին: Մինչդեռ օգոստոսի 31-ին ոճրագործն էքստրադիցիայի ենթարկվեց եւ Ադրբեջանի նախագահ Իլհամ Ալիևը նրան ներում շնորհեց: Այս իրադարձությունների հետևանքով Հայաստանը կասեցրեց դիվանագիտական հարաբերությունները Հունգարիայի հետ:
- Օրբանին Հունգարիայում շարունակում են մեղադրել Սաֆարովին
արտահանձնելու որոշման համար
Իշխանությունները լուրջ քննադատությունների թիրախ են դառնում ընդդիմադիրների կողմից: - Ավստրալիան անհանգստացած է Սաֆարովի արտահանձման փաստի
առնչությամբ
Ադրբեջանի գործողություններն ունեն Լեռնային Ղարաբաղի հակամարտության կարգավորման ԵԱՀԿ ՄԽ-ի կողմից շարունակվող միջնորդության ջանքերը քայքայելու ներուժ. ԱԳՆ: - Կոնգրեսական Բերմանն ԱՄՆ պետքարտուղարին առաջարկում է կասեցնել
Ադրբեջանի մասնակցությունը ՆԱՏՕ-ի ԳՀԽ ծրագրին
Սաֆարովի արտահանձնման դեպքի առնչությամբ Հովարդ Բերմանը նամակ է հղել ԱՄՆ պետքարտուղար Հիլարի Քլինթոնին: - Շվեդիայի խորհրդարանականները պահանջել են Հունգարիայի պաշտոնական
պարզաբանումը «սաֆարովյան» գործով հետագա քայլերի շուրջ
«Միեւնույն ժամանակ մենք հույս ենք տածում, որ ձեր կառավարությունը կձեռնարկի վճռական միջոցներ` Բաքվին հանդիմանելու միջազգային օրենքները խախտելու, Լեռնային Ղարաբաղի բանակցային գործընթացը վտանգելու համար»,-նշվում է նամակում: - Սպանությունը դատապարտում են, այլ ոչ թե փառաբանում ու պարգեւատրում.
կանադացի օրենսդիր
«Ցանկանում եմ արտահայտել իմ բացարձակ արհամարհանքը եւ լիակատար անվստահությունը` ադրբեջանցի սպա Ռամիլ Սաֆարովի միջադեպի հետ կապված վերջին զարգացումների առնչությամբ»,-ասել է Կանադայի շրջանային խորհրդարանի պատգամավորը: