Ահաբեկիչները Սիրիա մուտք են գործում Թուրքիայից. Սիրիայի ԱԳՆ
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Սիրիայի արտաքին գործերի նախարար Վալիդ Մուալեմը հայտարարել է, որ ահաբեկիչները Սիրիա են մուտք գործում Թուրքիայից: Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարբերականը, այս մասին Մուալեմը նշել է Իրանի իր գործընկեր Ալի Աքբար Սալեհիի հետ հանդիպումից հետո:
«Սիրիայում ձերբակալված ահաբեկիչները լիբիացիներ, թունիսցիներ, եգիպտացիներ են: Նրանց մեջ կան նաև Ալ-Քաիդայի անդամներ: Բոլոր այս ահաբեկիչները Սիրիա են ներխուժել Թուրքիայից»,- ասել է Մուալեմը:
Իրանի ԱԳ նախարար Սալեհին իր հերթին նախազգուշացրել է տարածաշրջանի երկրներին, որ Սիրիայի նկատմամբ վարած սխալ քաղաքականությունից չհրաժարվելու դեպքում այդ երկրներում էլ կարճ ժամանակում նույնատիպ ճգնաժամ կսկսվի: